"Лацио" ўз сафига "Арсенал" форвардини қўшиб олмоқчи

Лондоннинг "Арсенал" клуби форварди Жоэль Кэмпбелл "Лацио"нинг қизиқишлар доирасига кириб қолди.

Football Italia берган хабарга кўра римликлар 26 ёшли коста-рикалик футболчини янги мавсумга қадар ўз сафига қўшиб олишмоқчи. Ўз навбатида “канонирлар” яна бир йилдан сўнг шартномаси якунланадиган футболчини 3-4 млн еврога баҳоламоқда.

Маълумот учун, Кэмпбелл ўтган мавсумни "Спортинг" ва "Бетис" клубларида ижара асосида ўтказди ва умумий ҳисобда 37та ўйинда иштирок этиб, ўз ҳисобига 5та гол ёздириб қўйишга эришди.