Гвардиола Шевченкога нима ваъда берган?

Украина терма жамоаси бош мураббийи Андрей Шевченко терма жамоа ярим ҳимоячиси Александр Зинченкога “Манчестер Сити”да имкон беришларига ишонишини айтди.

“Баҳорда Гвардиола билан гаплашганимда у менга Зинченкони келажаги порлоқ футболчи экани ва “Манчестер Сити”да албатта етарли ўйин амалиётига эга бўлишини айтган”, - дейди Шевченко.

Эслатиб ўтамиз, ёзги трансферлар даврида Зинченконинг жамоадан кетиши борасида хабарлар тарқалган эди. Бироқ, Гвардиола якунда уни “сити”да олиб қолди.