Frantsiska Proys sog‘ligidagi muammolar sabab, "Rojestvo poygalari"da ishtirok etmaydigan bo‘ldi

Germaniyalik poygachi Frantsiska Proys sog‘ligidagi muammolar sabab, Germaniyaning Gelzenkirxen shahrida 28 dekabr kuni o‘tkaziladigan "Rojestvo poygalari"da ishtirok etmaydigan bo‘ldi. 

22 yoshli sportchi o‘zining feysbukdagi sahifasi orqali buning sababini ommaga ma’lum qildi.

- Afsuski, o‘tgan hafta men uchun u qadar omadli bo‘lgani yo‘q. Nove Mestodagi poygadan so‘ng menda infektsiya borligi aniqlandi. 
Shu sababli, Gelzenkirxendagi poygalarni o‘tkazib yuborishga majburman. Endi Oberxofdagi bahslarga qadar tayyor bo‘lishga harakat qilaman, - deb yozadi Proys.