Dzyubaga yana bir xaridor paydo bo‘ldi

Sankt-Peterburgning “Zenit” klubi hamda Rossiya terma jamoasi forvardi Artyom Dzyuba “Galatasaroy”ning qiziqishlar doirasiga kirib qoldi. Bu haqda Sporundibi.com xabar bermoqda.

Unga ko‘ra turk klubi 29 yoshli futbolchining transferini muhokama qilish uchun uning agentini Turkiyaga chaqirgan. Biroq, ba’zi manbaalarga qaraganda Dzyubaga boshqa bir turk jamoasi – “Beshiktosh” qiziqmoqda.

Eslatib o‘tamiz, JCh-2018da terma jamoaning asosiy hujumchisi sifatida ishtirok etgan va o‘z hisobiga 3ta gol yozdirib qo‘yishga erishgan Dzyubaga shuningdek Frantsiyaning “Bordo” klubidan ham jiddiy takliflar bo‘lmoqda.