Биласизми? Лопетеги энг охирги номзод эди

Мадриднинг "Реал" клуби ёзда Хулен Лопетегини жамоадан кетган Зинедин Зиданга энг муносиб номзод сифатида қарамаган.

El Mundo Deportivo нашри тарқатган хабарга кўра “қироллик клуби” ушбу лавозимга даставвал Массимилиано Аллегри ("Ювентус"), Маурисио Почеттино ("Тоттенхэм") ёки Юрген Клопп ("Ливерпуль") каби мутахассислардан бирини олиб келишни режалаштиришган. Бироқ, якунда ушбу мураббийларнинг ҳеч бири “Саньтяго Бернабеу”га келмагач, айнан Испания терма жамоасини бошқараётган Лопетеги номзоди кўриб чиқилган.

Таъкидлаш лозимки, Лопетеги “Реал” бошқарувига келгач жамоанинг натижалари жуда ёмон кўриниш ола бошлади. Улар сўнгги 4та ўйиндан буён рақиб дарвозасига гол ура олишмаяпти ва ушбу 4 ўйиннинг 3тасида мағлуб бўлишди.