"Барселона" Кантенинг трансфери борасида "Челси"га расмий таклиф юборди

Каталониянинг "Барселона" клуби "Челси" хавбеки Н'Голо Кантега жиддий қизиқиб қолди.

Don Balon нашри тарқатган хабарга кўра “кўк-анор ранглилар” 27 ёшли франциялик футболчининг трансфери бўйича “аристократлар”га расмий таклиф юборишган. Таъкидлаш керакки, Канте каталонияликлар сафида 31 ёшга тўлган Серхио Бускесга ўринбосар бўлади.

Маълумот учун, Канте жорий мавсум “Челси” сафида жами 35та ўйинда майдонга тушди ва ўз ҳисобига 4та гол ҳамда 4та голли узатма ёздириб қўйишга эришди. Унинг трансфери эса 100 млн еврога баҳоланмоқда.