"Arsenal" Perishich evaziga O‘zilni taklif qildi, ammo "Inter" rozi bo‘lmadi

Londonning “Arsenal” klubi xorvatiyalik yarim himoyachi Ivan Perishichning transferi borasida “Inter” bilan kelisha olmadi.

La Gazzetta dello Sport nashri tarqatgan xabarga ko‘ra “kanonirlar” 29 yoshli futbolchini keyinchalik sotib olish huquqi bilan yarim mavsumga ijaraga olishni rejalashtirishgan edi. Ammo, “neradzurrilar” uni to‘liq sotib yuborishni xohlashmoqda va buning uchun 35-40 mln evro atrofida mablag‘ talab qilishmoqda.

Bundan tashqari, londonliklar Perishich evaziga Mesut O‘zilning xizmatlarini taklif qilishgan. Ammo, “Inter” rahbariyati bunga ham ko‘nmagan.