Агуэро АПЛ тарихига кирди

"Манчестер Сити" клуби форварди Серхио Агуэро кеча АПЛнинг "Саутгемптон"га (6:1) қарши баҳсида рақиб дарвозасини ишғол қилди.

Шу тариқа 30 ёшли аргентиналик футболчи премьер-лигадаги голлари сонини 150 тага етказиб олди. Унга бунинг учун 217 та ўйин кифоя қилди.

Opta нашрининг маълум қилишича Агуэро АПЛда 150та голни энг тез киритган иккинчи футболчига айланди. Бу борадаги энг яхши кўрсатгич афсонавий Алан Ширерга тегишли. Айнан у АПЛда 212та ўйинда 150та гол киритишга муваффақ бўлган.