Ёшлар 10 та гол урса, 70 миллион еврога олиб кетишяпти

“Барселона”нинг 37 ёшли тўпурари Роберт Левандовски Англия Премьер-лигаси клубларининг катта харажатларган асосланган трансфер сиёсатига муносабат билдирди.

- Англия клублари хатто бир мавсум ҳам синовдан ўтмаган ўйинчиларни катта суммаларга сотиб оляпти. Агар сен ёш бўлсанг ва олти ойда 10 та гол урсанг, қандайдир клуб сени 60 ёки 70 миллион еврога олиб кетади.

Илгари футболчилар нималаргадир эришиши талаб этиларди. Ҳозир эса, сарфланаётган катта-катта маблағларга ўйинчининг сифати тўғри келадими ёки йўқ, буни ҳеч ким билмайди, - деди Роберт Левандовски.

Польшалик форвард профессионал фаолиятининг катта қисмини Германия чемпионатида ўтказган ва шундан сўнг 2022 йилда “Барселона”га келганди. Левандовски ҳеч қачон Англия Премьер-лигасида ўйнамаган.