Ярим мавсумдан сўнг дебют голини урган Сенага

ОКМК иккинчи давранинг биринчи ўйинини "Бухоро"га қарши ўтказмоқда. 16-турдан ўрин олган учрашувда ҳисобни Наоаки Сенага очди. Ҳужумкор ярим ҳимоячи 40-дақиқада Рубен Санчеснинг ажойиб пасидан унумли фойдалана олди. 

Шу тариқа, Сенага ОКМКдаги ўзининг дебют голини урмоқда. Япониялик футболчи бунгача жамоа таркибида 4 та ўйинда майдонга тушганди. Шулардан фақатгина биттасида асосий таркибга кира олган. 

Маълумот учун, 27 ёшли Наоаки қишки трансферлар ойнасида олмалиқлар сафига келиб қўшилган.