Хамесга яна бир эшик ёпилди

“Лацио” раҳбарияти “Реал”нинг колумбиялик юлдузи Хамес Родригес трансферидан воз кечди.

Янги мавсумда Чемпионлар лигасида ўйнайдиган римликлар бу футболчини майдон марказини кучайтириш ва ҳужумкорликни ошириш учун таклиф қилишни режалаштирган эди. Маълумотларга қараганда, футболчининг саломатлигида муаммо борлигини аниқлаган “Лацио” мутасаддилари уни олиш фикридан қайтган.

Хамес “Реал” таркибига 2014 йили “Монако”дан 75 миллион евро эвазига олиб келинган. Шу пайтгача 125 та учрашувда 37 та гол уриб, 42 та голли узатма берган плеймейкер Зинедин Зидан бошқараётган жамоада асосий таркибга кира олмаяпти.