Туркия Суперлигаси. Отабек Шукуров тўлиқ ўйнаган баҳсда "Карагюмрюк" мағлубиятдан қутилиб қолди

Туркия Суперлигасининг 6-туридан ўрин олган учрашувда “Фотиҳ Карагюмрюк” ўз майдонида “Гиресунспор” билан дуранг ўйнади.

Учрашув 1:1 ҳисобида якунланди. Меҳмонлар 75-дақиқада ҳужумчи Риад Байичнинг саъй-ҳаракатлари эвазига ҳисобда олдинга чиқиб олди. Беллашув якунланишига бир неча дақиқа қолганда, аниқроғи  90+2-дақиқада Мбайе Дьяннинг майдон эгаларини мағлубиятдан қутқариб қолувчи гол муаллифига айланди.

"Фотиҳ Карагюмрюк"нинг ўзбекистонлик ярим ҳимоячиси Отабек Шукуров учрашувни тўлиқ ўйнади. 

Андреа Пирло шогирдлари 5 ўйинда 5 очко жамғариб, турнир жадвалида 14-ўринни эгаллаб турибди. “Гиресунспор” эса 7 очко билан 10-ўринда бормоқда.