Тен Хаг: "Роналду муаммо эмас эди"

"Байер Леверкузен" бош мураббийи Эрик тен Хаг Криштиану Роналду унга муаммо бўлмаганини айтди.

Мураббий МЮда Роналду билан зиддиятга боргани футбол жамоатчилигида кўплаб муҳокамаларга сабаб бўлган эди. Криштиану 2022 йилнинг ноябрида берган интервьюсида тен Хагни омма олдида танқид қилган ва шундан сўнг клубни тарк этганди.

"Роналду мен учун ҳеч қачон муаммо бўлмаган. Менимча, буларнинг ҳаммаси ўтмиш. Бу шундай бўлди ва шундан сўнг биз "Манчестер Юнайтед"да иккита совринни қўлга киритдик.

Унга келажакда энг яхши тилакларни тилайман", - деди "Байер" устози.

Нидерландиялик мутахассис қўл остидаги немис клуби ўртоқлик учрашувида "Челси"га 2:0 ҳисобида мағлуб бўлди.