Суперклуб 7 футболчига чиқиш эшигини кўрсатди

“Челси” таркибини оптималлаштириш сиёсатини кучайтиради ва бош мураббий Энцо Мареска ишончини қозона олмаган ўйинчиларни трансферга қўяди.

Англия матбуотининг таниқли вакили Низаар Кинселланинг ёзишича, лондонликлар ёзда жамоани тарк этадиган дастлабки етти нафар футболчи рўйхатини шакллантириб бўлди.

Уларнинг аксарияти мавсумни бошқа жамоаларда ижарада ўтказди ва янги чемпионатда ҳам бу футболчиларнинг хизматига эҳтиёж бўлмайди.

Демак, ёзги трансферлар даврида Бен Чилуэлл, Карни Чуквуэмека, Армандо Бройя, Аксель Дисаси, Кепа Аррисабалага, Жоау Феликс ва Ренату Вейга ўзига янги жамоа топиши керак.