Сардор клуб уни ҳайдамагунича кетмайди!

“Ювентус” сардори Данило январда клубдан кетиши мумкинлиги ҳақида тарқатилаётган хабарларга ўз муносабатини билдирди.

Европа матбуоти 33 ёшли футболчи Турин клубини тарк этиб, фаолиятини “Наполи”да давом эттиришини ёзмоқда.

- Ҳеч қачон жамоадан кетишни хоҳламаганман. “Ювентус”дан шартномамни бекор қилишни сўрамаганман. Матбуотда ёзилаётганлари ҳақиқатга тўғри келмайди.

Ҳа, январда “Ювентус”дан кетишим мумкин.  Лекин бунинг учун клуб мени ўз сафида кўришни истамаётганини айтиши керак. Менинг “Ювентус” билан алоқам неча дақиқа ўйнаётганимга қараб баҳоланмайди.

Мен клубга ва бош мураббийга ёрдам бериш учун доим шу ерда бўламан, - деди Данило.

Бразилиялик марказий ҳимоячи 2019 йилдан бери “Ювентус”да тўп тепяпти. Илгари у ўз юртида “Америка”, “Сантос”, Европада эса, “Порту”, “Реал” ва “Манчестер Сити” каби клубларда ўйнаган.