Санчес "Интер"га ўтади

"Манчестер Юнайтед" клуби форварди Алексис Санчес фаолиятини "Интер"да давом эттиришга яқин турибди.

GianlucaDiMarzio.com сайти тарқатган хабарга қараганда “нерадзуррилар” 30 ёшли чилилик футболчи билан шахсий келишувга эришишган. Трансфер якунланиши учун энди фақатгина клублар ўзаро бир қарорга келиб олишса бас.

Таъкидлаш керакки, “қизил иблислар” ҳам энг кўп маош олиб, умуман фойда келтирмаётган футболчини ўзида сақлаб қолмоқчи эмас.

Эслатиб ўтамиз, Санчесга шунингдек “Рома” ҳам даъвогарлик қилаётган эди.

Маълумот учун, Санчес ўтган мавсум МЮ сафида жами 27та ўйинда майдонга тушди ва ўз ҳисобига 2та гол ҳамда 5та голли узатма ёздириб қўйишга эришди.