Салоҳ "кучли бешлик"дан жой олди
"Ливерпуль" ҳужумчиси Муҳаммад Салоҳ Англия чемпионати 21-турида "Вест Хэм" дарвозасини икки бор аниқ нишонга олди.
Squawka Football маълумотига кўра, мисрлик футболчи ушбу ўйиндан сўнг АПЛдаги голлари сонини 90 тага етказиб олди. Шу тариқа у Англия чемпионатида энг кўп гол урган африкалик футболчилар рўйхатида бешинчи поғонага кўтарилиб олди.
Салоҳдан олдинда унинг жамоадоши Садио Мане (91), "Эвертон" ва "Портсмут" собиқ футболчиси Якубу Айегбени (95), "Арсенал", "Тоттенхэм" ва "Манчестер Сити" собиқ форварди Эммануэль Адебайор (97) ва "Челси" афсонаси Дидье Дрогба (104) ўрин олган.
Comments