РПЛ. Афониннинг жамоаси дебютант клубни енга олмади

Ҳамюртимиз Вадим Афонин фаолият олиб борадиган "Оренбург" жамоаси бу тур ўз майдонида лига дебютанти бўлган "Сочи" клубини қабул қилди. Қизиқарли ва томошабоп тарзда кечган беллашувда кучлар тенг келди - 1:1.

Афонин бугунги ўйинни асосий таркибда бошлади ва тўлиқ 90 дақиқа майдонда фаол ҳаракатланди. Шу тариқа, "Оренбург" ҳисобидаги очколар сони 2 тага етди ва жамоа турнир жадвалида сўнгги, 16-ўринни эгаллаб турибди.