РПЛ. 7 та гол урилган учрашувда Йўлдошев жамоаси мағлубиятга учради

РПЛ 5-туридан ўрин олган "Нижний Новгород" - "Ростов" учрашуви якунига етди. Унда меҳмонлар 4:3 ҳисобида рақибдан устун келди. 

Ростовликлар сафида Полоз дубль муаллифига эришди. Шунингдек, Глебов ҳамда Уткин рақиб дарвозасини ишғол этишга муваффақ бўлди. Мезбонларнинг голларига Калинский, Фелисио ҳамда Сулейманов рақиб дарвозасини ишғол қилди. 

Қайд этиш лозим, "Нижний Новгород" сафида тўп тепаётган Иброҳимҳалил Йўлдошев биринчи таймдан сўнг захирага олинди.