"Ростов" клуби машҳур профессионал боксчига таклиф билан чиқди

Россиянинг “Ростов” футбол клуби профессионал боксчи Александр Поветкинни янги қиёфасига баҳо берди ва уни навбатдаги ўйинларига таклиф этди. Поветкин ўз жамоаси билан спорт кастюмларида тушган расмини ижтимоий тармоқларга жойлаган эди. Бу суратлар Гай Ричининг “Жентельменлар” криминал комедиясининг қаҳрамонлари кийган костюмлар билан бир хил эди.

 “Ростов” клуби томонидан мураббий Валерий Карпин иштирокида айнан ушбу фильмга ўзига хос пародия олинди ва Александр Поветкинга ўзига хос мурожаат билан чиқди.

 “Александр, сизнинг кийиниш услубингиз бизга ва мураббийимиз Валерий Карпинга жуда яқин. Навбатдаги жангингизда омад тилаймиз ва ушбу жангдан сўнг, Ростов-на-Донуда ўтадиган исталган ўйинларимиздан бирига таклиф этамиз. Сизни жуда яхши кутиб олишга ҳаракат қиламиз”,-деб ёзилган, клубнинг Instagram саҳифасида.