Роналдунинг жамоасига 100 миллион евролик юлдуз келади

Криштиану Роналду ўйнаётган “Ан-Наср” клуби Саудия Арабистони чемпионлиги учун курашиш мақсадида янги трансферларни амалга оширишга ҳаракат қилмоқда.

Риёдликлар бу гал “Барселона” юлдузи Рафиньяни олиб келмоқчи. Каталонияликлар Европа чемпионати қаҳрамонлари – Нико Уильямс ва Даниэль Ольмони трансфер қилиш учун ўз таркибидан камида бир нафар қимматбаҳо ўйинчилардан бирини сотиб юбориши керак.

“Ан-Наср” таклиф қилаётган сумма “Барселона”га маъқул келиши аниқ. Шайхлар 27 ёшли футболчи учун 100 миллион евро таклиф қиляпти.

Эскпертларнинг таъкидлашича, Рафиньянинг ўзи Европа футболини тарк этишга шошилаётгани йўқ. Каталониялик клуби мутасаддилари эса, мўмай даромад илинжида уни бу трансферга кўндиришга ҳаракат қилади.