Роналду Мессининг "Барселона"даги маоши билан қизиққанини билармидингиз?

"El Mundo Deportivo" нашрининг хабарига кўра, португалиялик футболчи "Реал"даги фаолияти давомида бир неча йил давомида аргентиналик футболчининг маошига қизиқиб юрган. Бу савол Роналдуни шунчалик қизиқтирганки, у жавобни "Барселона"нинг ўша пайтдаги президенти Хосеп Бартомеудан олишга қарор қилган.

Криштиану ва унинг собиқ агенти Жорже Мендеш тақдирлаш маросимларининг бирида Бартомеу билан йўллари кесишган ва ўша ерда Роналду каталонияликлар раҳбаридан Мессининг клубдан қанча маош олишини сўраган.

"Мен сизга буни аниқ айта олмайман, лекин "Реал" сизга икки баравар кўп тўлайди", - деб жавоб берган Бартомеу.