Роналду кучлими ёки Месси? Бу саволга Лэмпард жавоб берди

"Челси"нинг собиқ ярим ҳимоячиси ва мураббийи Фрэнк Лэмпард замонамизнинг энг буюк икки футболчиси – Криштиану Роналду ва Лионель Мессини солиштирди.

“Менга бу баҳслар ёқмайди. Мен иккаласига ҳам қарши ўйнаганман, айниқса “Манчестер Юнайтед” давридаги Криштиануга қарши кўпроқ. Месси "Барселона"да ўйнаганида унга қарши бошқача ўйнаганман. Шахсий ва иқтидор нуқтаи назаридан Месси барча даврларнинг энг зўри. Бу менинг фикрим. Лекин Криштианунинг ўзини қандай яратганлиги, мақсадлари, ўйинга таъсири, фидойилиги, ҳозир ҳам давом этаётган иштиёқи... Мен иккаласини ҳам бирдек ҳурмат қиламан. Бирини иккинчисидан устун қўйиш ноҳақлик бўлади деб ўйлайман. Уларнинг иккаласига, ажойиб савиядаги футболчиларга қарши ўйнаганим мен учун шарафдир”, - деди англиялик собиқ футболчи TNT Sports Mexico’га берган интервьюсида.

Криштиану Роналду ҳозирда Саудия Арабистонининг "Ан-Наср" клубида, Лионель Месси эса АҚШнинг "Интер Майами" клубида фаолият юритмоқда.