"Реал"дан кетган Бензема яна бир жабҳада "қироллик клуби" тарихига кирди

Карим Бензема "Реал" сафида Ла Лигада ўйин ўтказиш бўйича “қироллик клуби” тарихида Фернандо Еррога тенглашиб олди.

Франциялик ҳужумчи мадридликлар сафидаги сўнгги ўйинини Ла Лиганинг 38-тури доирасида "Атлетик"га қарши ўтказди. Бу унинг лигадаги 439-учрашуви бўлди. Эътиборлиси, худди шундай кўрсатгич Еррода ҳам бир хил.

Улардан юқорироқда Сантильяна (461), Серхио Рамос (469), Икер Касильяс (510), Манон Санчис (523) ва Рауль (550) бор.

Маълумот учун, Бензема “Реал” сафига 2009 йил “Лион”дан кўчиб ўтган эди.