"Реал" трансферлар бўйича якуний қарорга келди

"Реал Мадрид" асосий эътиборини ёзги трансферларга қаратади. Бу ҳақда "Cope" нашри хабар бермоқда. 

Мадрид клуби раҳбарияти қишда янги футболчиларни жалб этишни режалаштирмаяпти.

"Реал"нинг фикрича, январь ойида таркибни кучайтириш зарурати йўқ. Бироқ, мавсум якунида клуб июнь ойида эркин агент бўлиши мумкин бўлган қанот ҳимоячилари - Альфонсо Дэвис ("Бавария") ва Трент Александр-Арнольд ("Ливерпуль")ни текинга таркибга қўшиб олишни мақсад қилмоқда.

Клуб жароҳатланган Дани Карвахаль ва Эдер Милитао йўқлигида, жамоа ҳимоясида Давид Алаба ва 21 ёшли Раул Асенсионинг ўйинида ўсиш кузатилиши мумкинлигини таъкидламоқда.