“Реал” шов-шувли трансферга қўл урмоқда

“Реал” мутасаддилари “Бавария” билан катта трансферни амалга оширишга яқин турибди. Мадридликлар тез орада мюнхенликлар ҳимоячиси Альфонсо Дэвисни ўз таркибига қўшиб олишга ҳаракат қилмоқда.

Relevo нашри журналистлари томонлар ўзаро музокараларда бир тўхтамга келишга яқин эканини ёзмоқда.

Канадалик ҳимоячининг трансфери “Қироллик клуби”га 70 миллион еврога тушиши айтиляпти.

Дэвиснинг Бундеслига чемпиони билан амалдаги шартномаси 2025 йилнинг ёзигача тузилган. Жорий мавсумда Альфонсо Германия  чемпионатида 11 марта майдонга тушиб, жамоадошларига учта голли пас узатди.