"Реал" Модрич ва Крооснинг ўрнини босадиган футболчини топди

"Реал" Алексис Макаллистерга қизиқиш билдирмоқда, дея хабар бермоқда "TyS Sports". "Ливерпуль"даги манбалар клубга футболчи бўйича бир нечта таклифлар бўлганини тасдиқлади, аммо ҳозирча ҳеч қандай расмий таклиф тушмади.

"Реал Мадрид" Макаллистерни бу йил эмас, келаси йил сотиб олиш вариантини кўриб чиқмоқда. Ўшанда Лука Модрич ва Тони Кроос катта эҳтимол билан испан жамоасини тарк этишган бўлади.

Аргентиналик ярим ҳимоячининг шартномасида кўрсатилган товон пули 70 миллион еврони ташкил қилади.

АПЛнинг жорий мавсумида 25 ёшли ярим ҳимоячи 32 та ўйинда майдонга тушиб, 4 та гол ва 5 та голли узатмани амалга оширди.