Райс трансфери Жоржиньонинг келажагига таъсир қиладими?

"Арсенал" Вест Хэм" вакили Деклан Райсни ўз таркибига қўшиб олишга жуда ҳам яқин турибди. Айни дам томонлар музокараларнинг сўнгги босқичига ўтган. 24 ёшли ярим ҳимоячининг ташрифидан сўнг айрим футболчилар жамоани тарк этиши кутилмоқда. Улар орасида Жоржиньо ҳам борлиги ҳақда миш-мишлар чиққанди. Футболчининг ўзи ушбу хабарларга реакция билдирди. 

"Мен бу ерда жуда ҳам бахтлиман. Бундан турдаги маълумотларни ким чиқарганидан хабарим йўқ, лекин барчаси ёлғон. Умид қиламанки, олдинда яхши натижаларга эришамиз. Келаси мавсум ажойиб тарзда ўтади", - деди италиялик ярим ҳимоячи. 

Жоржиньо қишда "Челси"дан "канонирлар" сафига ўтганди. Аввалроқ, унинг "Лацио"га ўтиши ҳақда хабарлар пайдо бўлганди.