Расман! Мирзад Механович "Андижон"ни тарк этди

“Андижон” жамоаси сафида тўп суриб келган босния ва герцеговиналик футболчи Мирзад Механович билан амалдаги шартнома ҳар икки томоннинг ўзаро келишувига кўра бекор қилинди. Бу ҳақида клуб матбуот хизмати хабар берди.

Механович “Бургутлар” таркибига шу йилнинг январь ойида қўшилган бўлиб, шу вақтга қадар у “Андижон” сафида Ўзбекистон чемпионатида 7 та, Кубок баҳсларида эса 3 та ўйинда майдонга тушди ва 1 та гол муаллифи бўлди. Шунингдек, 2 марта голли пас узатган.

Унгача Ислам Машуков ва Миомир Журичкович ҳам "Андижон" билан хайрлашганди.