Расман! "Манчестер Юнайтед" Нидерландия терма жамоаси аъзоси билан шартнома имзолади (ФОТО)

"Манчестер Юнайтед" клуби ўзининг расмий сайтида "Фейеноорд" клуби ва Нидерландия терма жамоаси ҳимоячиси Тирелл Маласиянинг трансфери ҳақида эълон қилди.

Манбага кўра, 22 ёшли футболчининг трансфери “қизил иблислар”га 15 миллион еврога тушган. Маласиянинг ўзи эса янги жамоаси билан “4+1” кўринишида шартнома имзолаган.

Тирелл Маласия "Фейеноорд" сафида 2017 йилдан буён тўп суриб келаётган эди. У ўтган давр мобайнида жами 136 та ўйинда майдонга тушиб, 4 та гол урган ва 10 та голли узатмага муаллифлик қилган. Нидерландия терма жамоасида эса 5 та учрашув ўтказган.