ПСЖда ўйини чиқмаётган футболчига АПЛ гранди қизиқмоқда

ПСЖ футболчиси Юлиан Дракслер фаолиятини бошқа клубда давом эттириши мумкин.

Маълум бўлишича, германиялик ярим ҳимоячининг хизматига "Арсенал"дан қизиқиш бор. Лондонликлар уни бир неча йилдан бери сотиб олишга ҳаракат қилиб келади.

Юлиан парижликлар сафидаги ҳозирги ҳолатидан қониқиш ҳосил қилмайди. У кўпроқ ўйин амалиёти ва мураббийлар ишончига эга бўлишни истайди.

28 ёшли футболчи 2017 йилдан бери Париж клуби шарафини ҳимоя қилади. Унинг трансфер нархи 20 миллион еврога баҳоланмоқда.