Осиё ўйинлари: Баҳодир Жалоловдан нокаут. У Париж Олимпиадасига йўлланмани нақд қилди!

Ханчжоуда давом этаётган Осиё ўйинларини бокс баҳсларининг бугунги кун дастуридан ўрин олган сўнги боксчимиз Баҳодир Жалолов ярим финал баҳсида хитойлик Данабайк Байкузига қарши рингга кўтарилди.

Кутилганидек, Жалолов ушбу жангда яққол устунлигини намойиш этган ҳолда, 1-раунднинг ўзидаёқ рақибини нокаутга учратди. Қувонарлиси, ушбу ғалаба орқали юртдошимиз финалга йўл олиши билан бирга Париж Олимпиадасига ҳам йўлланмани нақд қилди. Энди у Осиё ўйинлари ғолиблиги учун азалий рақиби қозоғистонлик Қамшибек Кўнкабаевга қарши жанг қилади.