Ўртоқлик ўйини. ОКМК йирик ҳисобда "Шўртан"ни мағлуб этди

Суперлига иштирокчилари янги мавсумга тайёргарликни давом эттирмоқда.

Ўртоқлик ўйини доирасида ОКМК ва "Шўртан" жамоалари тўқнаш келди. Баҳс 30 дақиқадан ташкил топган тўртта таймдан иборат бўлди.

Мазкур беллашувда ОКМК йирик 5:1 ҳисобидаги ғалабани қўлга киритди.

Мезбонларнинг голларига Нодирбек Абдураззоқов (23), Ажак Риак (35), Акбар Ўктамов (70), Наоаки Сенага (86) ва Аброр Каримов (97) муаллифлик қилди. Ғузорликларнинг ягона голи эса 42-дақиқада Тимур Мамасидиқов томонидан киритилди.