Неймар қорин оғриғи туфайли машғулотларни ўтказиб юборган

Неймарнинг соғлигида яна муаммолар бор. 

"Ал-Ҳилол" матбуот хизмати хабар беришича, форвард қорин оғриғи туфайли пайшанба куни машғулотларни ўтказиб юборган. 

Маълумот учун, Неймар 2023 йилнинг октябридан 2024 йилнинг октябрига қадар тиззасидаги жароҳат сабаб майдонга туша олмаган эди. Жорий мавсумда у бор йўғи иккита ўйин ўтказди "Ал-Айн" (5:4) ва "Истиқлол" (3:0) ва иккинчи учрашув сўнггида жароҳат олди. 

32 ёшли футболчи қишдаёқ "Сантос"га қайтиши мумкинлиги ҳақида хабарлар чиқаётганди.