МЮ узоқ кутилган трансферни эълон қилди

Нидерландиялик ҳужумчи Ваут Вегорст "Манчестер Юнайтед"га ўтди. "Қизил иблислар" "Бёрнли" билан футболчининг ижараси борасида келишувга эришди. 

Футболчининг ўзи ушбу вазиятга изоҳ берди: "Мен "Юнайтед" Эрик тен Хаг қўл остида қандай ютуқларга эришганини кўрдим. Келгуси беллашувларда нима бўлишидан қатъи назар, бор кучим билан тўп тепишга ваъда бера оламан". 

Маълумот учун, Ваут жорий мавсум ижара асосида Туркиянинг "Бешиктош" клубида ҳаракат қилаётганди.