МЮ "Порту" "яшириб юрган" вундеркиндни нишонга олди
“Манчестер Юнайтед”нинг собиқ футболчиси Нани эски жамоаси раҳбариятини Португалияда зўр ҳимоячи вояга етаётганидан хабардор қилди.
Нани берган маълумотга қараганда, “Порту” тарбиялаётган Нуну Мендешни ёрқин келажак кутмоқда. “Порту” раҳбарлари 17 ёшли марказий ҳимоячини ҳали кўз-кўз қилгани йўқ. Футболчига Португалия олий дивизионида тўп суриш имкониятини беришмаяпти.
Асосан ёшлар мусобақасида тўп сураётган футболчининг клуб билан шартномаси келаси йили якунига етади. Шунинг учун “Манчестер Юнайтед” уни шу ёзда арзонга қўлга киритиш имкониятига эга. Агар “Порту” уни шу йилнинг ўзида трансфер қилмаса, ҳимоячи кейинги йили эркин агент мақомида истаган жамоасига бепул қўшилади.
Comments