Милош Керкез расман "Ливерпуль" футболчисига айланди!

"Борнмут" ҳимоячиси Милош Керкез "Ливерпуль" клубига ўтди. Бу ҳақда машҳур инсайдер Николо Скира хабар берди.

Манбага кўра, томонлар ўртасида тўлиқ келишувга эришилган ва 21 ёшли қанот ҳимоячи Керкез мерсесайдликлар билан 2030 йилгача мўлжалланган шартнома имзолаган. Шунингдек, у "Ливерпуль" сафига ўтиш учун бошқа уч клубдан тушган таклифларни рад этган, деб қўшимча қилинмоқда

Ўтган мавсумда Милош Англия Премьер-лигасида 38 та ўйинда майдонга тушиб, 2 гол ва 6 ассист қайд этди.

Transfermarkt портали футболчининг нархини 45 миллион евро деб баҳоламоқда.