Месси "Интер Майами" тарихидаги энг яхши тўпурарга айланди!

Лионель Мессига "Интер Майами" тарихидаги энг яхши тўпурарга айланиш учун бир йилдан кўпроқ вақт керак бўлди. Аргентиналик форвард кеча "Нью-Инглэнд Революшн"га қарши кечган ўйинда (6:2) захирадан майдонга тушди ва хет-трик қайд этди.

Шу тариқа, 33 та ўйинда 36 та гол урган Месси “Интер Майами”нинг барча даврлардаги энг яхши тўпурарлари рўйхатида пешқадамга айланиб олди. 37 ёшли жаҳон чемпиони "Интер Майами" таркибида 98 та учрашувда 32 гол урган эквадорлик Леонардо Кампанани рейтингда ортда қолдирди. Иккинчи ўринни Луис Суарес эгаллаб турибди - 34 ўйинда 24 гол. Бу борада кучли учликдан Мессининг ҳамюрти Гонсало Игуаин жой олган - 70 ўйинда 29 гол.

Маълумот учун, Лионель Месси "Интер Майами" сафига 2023 йилнинг ёзида ПСЖдан кўчиб ўтган эди.