Месси бу футболчи маҳоратига тан берди

 “Пари Сен-Жермен” ҳужумчиси Лионель Месси “Барселона” ярим ҳимоячиси Педрининг маҳоратини жуда юксак баҳоламоқда.

Месси “Барселона”даги сўнгги мавсумида асосий таркибга эндигина жалб қилина бошлаган Педри билан оз муддат бўлса-да, бирга ўйнаган. Кейинчалик аргентиналик юлдуз Каталонияни тарк этиб, ПСЖ сафига кўчиб ўтди.

Таниқли журналист Фернандо Полонинг ёзишича, Лионель Месси Педрининг иқтидоридан ҳайратга тушган ва уни жаҳоннинг энг яхши футболчиларидан бири, деб ҳисоблайди.

20 ёшли Педрининг клуб билан шартномаси 2026 йилнинг ёзигача тузилган. У жорий мавсумда 30 та ўйинда рақиблар дарвозасини етти марта ишғол қилди.