Мбаппе ПСЖдан бош мураббий ва 13 футболчини ҳайдамоқчи. Улар орасида Неймар бор!

“Пари Сен-Жермен” раҳбарияти Килиан Мбаппени олиб қолиш учун унга клуб трансфер сиёсатига аралашиш ваколатини берган эди.

Mundo Deportivo нашрининг хабар беришича, Мбаппе жамоага ерак бўлмай қолган 14 футболчини ўзининг “қора рўйхати” га киритган.

Манбанинг таъкидлашича, бу рўйхатни жамоанинг аргентиналик бош мураббийи Маурисио Почеттино бошлаб берарди.

Шунингдек, 23 ёшли ҳужумчи ПСЖ ёзги трансферлар вақтида Неймар, Мауро Икарди, Юлиан Дракслер, Тило Керер, Леандро Паредес, Андер Эррера, Лейвин Курзава, Данилу Перейра, Пабло Сарабия, Хуан Бернат, Идрисса Гуйе, Колин Дагба ва Серхио Рико билан хайрлашиши лозим.

ПСЖ мутасаддилари айни пайтда жамоани бошқарадиган мутахассис қидирмоқда. Асосий номзод Зинедин Зидан бўлиб турибди.