"Манчестер Сити" мухлислари учун хушхабар!

"Манчестер Сити" ҳимоячиси Жон Стоунз ва ҳужумчиси Серхио Агуэро бугун "Лестер"га қарши бўладиган ўйинда майдонга тушишга тайёр.

The Guardian нашри тарқатган хабарга кўра ҳар иккала футболчи ҳам жароҳатидан фориғ бўлган ва шифокорлар уларнинг майдонга тушишларига руҳсат берган.

Маълумот учун, Стоунз жорий мавсум 12 та ўйинда иштирок этди. Агуэро эса 16 та ўйинда майдонга тушди ва ўз ҳисобига 13 та гол ҳамда 2 та голли узатма ёздириб қўйишга эришди.

Эслатиб ўтамиз, “Манчестер Сити” – “Лестер” учрашуви бугун Тошкент вақти билан соат 22:30 да бошланади.