Лунин "Реал"да асосий таркиб учун курашишга аҳд қилган

"Реал" дарвозабон Андрей Лунин билан шартномани узайтириш арафасида турибди. Бу ҳақда Испаниянинг таниқли "Relevo" нашри хабар берди. 

25 ёшли посбон Тибо Куртуанинг оғир жароҳати фонида жамоанинг асосий ўйинчисига айланди. У "Челси"дан ижарага олинган Кепа Аррисабалагани ҳам рақобатда доғда қолдирди. Шу боис икки томон ҳам битимни узайтириш ниятида. 

Агар шартнома узайтирилса, Лунининг маоши сезиларли даражада ошади. Раҳбарият уни жорий мавсумдаги ажойиб ўйинлари учун рағбатлантиришни мақсад қилган.