"Ливерпуль" Исак учун иккинчи таклифни қачон ва қанча сумма таклиф қилиши ойдинлашди

"Ливерпуль" Александр Исак учун 110 миллион фунт (тахминан 126 миллион евро) таклиф қилди, бироқ "Ньюкасл" бу таклифни дарҳол рад этди. Аввалроқ мерсtсайдликлар музокараларга қайтишдан маъни кўрмаётгани ҳақида хабарлар тарқалганди.

Шу билан бирга, "Daily Mail" нашрининг маълум қилишича, "Ливерпуль" Исакни қўлга киритиш учун яна бир бор уриниш қилмоқчи. Янги таклиф "Ньюкасл" янги ҳужумчи билан шартнома имзолагандан сўнг берилмоқчи. Бу ҳолат клубнинг Исакни сотишга тайёргарлик кўраётганидан далолат сифатида баҳоланмоқда.

"Ливерпуль" буни яхши тушуниб турибди ва келгусида янада йирик таклиф билан чиқишни режалаштирмоқда. Агар ушбу трансфер амалга ошса, у Британия футболи тарихидаги энг қиммат шартномалардан бирига айланиши мумкин.

Маълумот учун, 25 ёшли Исак бир неча кун олдин жамоа йиғинига қайтди. Унинг келажаги эса яқин ҳафталарда аниқ бўлади.