Ламин Ямал "Боруссия Д"га қарши баҳсда энг паст баллни олди

Хабарингиз бор, кеча Европа Чемпионлар лигаси чорак финали доирасида "Боруссия Д" ва "Барселона" жамоалари беллашди. Ушбу жавоб учрашувида "сариқлар" 3:1 ҳисобида ғалаба қозонди. Биринчи баҳсда 4:0 ҳисобидаги ғалаба орқали каталонияликлар ярим финалга йўл олди.

Ушбу учрашувда "Барселона” вингери Ламин Ямал ўзини кўрсата олмади. 17 ёшли футболчи асосий таркибда майдонга тушди ва ўйиннинг 70-дақиқасида алмаштирилди. Испанияликнинг ўйинини таниқли WhoScored статистик портали томонидан 6,1 баллга лойиқ кўрилди. Бу Ямал учун бу мавсумдаги энг ёмон кўрсаткич.

Эслатиб ўтамиз, Ламин ушбу мавсумда барча турнирларда 45 ўйинда қатнашиб, 14 гол урган ва 21 голга ассистентлик қилган.