Ла Лига. Сўнгги дақиқаларда "калла қўйиш"дан чарчамаётган "Атлетико" аламли тарзда мағлуб бўлди

Ла Лига 12-туридан ўрин олган "Кадис" - "Атлетико" баҳси якунланди. Мазкур беллашувда мезбонлар 3:2 ҳисобида рақибдан устун келди. 

2:0 ҳисобида ортда бораётган "матрасчилар" 85 ва 89-дақиқаларда урилган голлар эвазига мувозанатни тиклади, аммо 90+7-дақиқада Собрино гол уриб, жамоасига ғалаба келтирди. 

Қайд этиш лозим, Мадридликларнинг илк голида Фелишнинг зарбасидан сўнг рақиб футболчиси ўз дарвозасини ишғол этиб қўйди. Иккинчи голни эса португалнинг ўзи уришга муваффақ бўлди.