Конте қишда уддалай олмаган ишини ёзда амалга оширмоқчи

"Барселона" хавбеки Артуро Видаль Италия А Сериясига қайтиши мумкин. Бу ҳақида Испаниянинг Sport нашри хабар бермоқда.

Ўтган қишги трансфер ойнаси вақтида "Интер" бош мураббийи Антонио Конте чилилик ярим ҳимоячини "Интер"га ўтишга кўндирмоқчи бўлган, бироқ Видаль мавсумнинг қолган қисимида "Барса"да ўйин амалиётига эга бўлиши имкониятлари сабаб ушбу таклифга рад жавобини берган.

Мана маълумотига кўра, энди "нерадзуррилар" бош мураббийи ёзда ҳам ушбу трансфер бўйича иш олиб боришни ва бу учун футболчининг оила аъзолари ва дўстларидан фойдаланишни режалаштирмоқда.