Кожо: "Эрон клубларидан қизиқиш бўлаётгани рост"

Жаҳон Чемпионати-2026 саралаш босқичидан ўрин олган Қирғизистон-Эрон учрашуви меҳмонлар фойдасига 3:2 ҳисобида якунланди.

Учрашувда киритилган голларга Мехди Тареми, Солиҳ Хардани, Сардор Азмун ва Кожо Жоэл (дубль) муаллифлик қилишди. Ўйиннинг энг яхши футболчиси деб топилган Кожо форс клубларининг унга қизиқаётгани ҳақида гапирди.

"Менга нафақат Эрон клубларидан балки бошқа Осиё клубларидан ҳам таклифлар бор, лекин менинг асосий эътиборимни "Динамо"га қаратганман. Ҳозирда боримни бериб клубимга фойда келтиришим керак. Эрон жамоаларидан таклифлар борлигини тасдиқлайман", - деди қирғизистонлик футболчи.