Жонатан Та: "Бавария" кейинги учрашувларга тўлиқ тайёр"

Мюнхеннинг "Бавария" клуби янги футболчиси Жонатан Та Клублар ўртасидаги Жаҳон чемпионатида "Окленд Сити" устидан 10:0 ҳисобида қозонилган йирик ғалаба ҳақида фикр билдирди:

"Турнир учун ажойиб старт. Айрим вазиятларда янада яхшироқ ўйнашимиз мумкин эди, аммо умумий ҳисобда ҳаммамиз хурсандмиз. Рақибга бўлган ҳурмат билан бирга тушунамиз – кейинги ўйинлар анча оғир кечади. "Бавария" бу беллашувларга тайёр" - дея ўз фикрлари билан ўртоқлашди германиялик фулбек.

Мюнхенликлар кейинги учрашувини 21 июнь, шанба куни Аргентинанинг "Бока Хуниорс" клубига қарши ўтказади. Мазкур беллашув эса Тошкент вақти билан 06:00 да старт олиши режалаштирилган.