Инсайд! Азиз Турғунбоев Эрондан келган таклифларга рад жавобини берган. Энди уни "Нефтчи" ўз сафига қўшиб олмоқчи
Эроннинг бир нечта клуби "Пахтакор" аъзоси Азиз Турғунбоев билан қизиқиб қолган эди. Бу ҳақда SPORTS.uz сайти журналисти Яҳёхўжа Улуғхўжаев ўзининг телеграм канали орқали хабар берди.
"Футболчи форслардан келган барча таклифларга рад жавобини берди. Ҳозирда Азизни "Нефтчи" хам ўз таркибида кўрмоқчилар қаторига қўшилган, аммо Турғунбоев Ўзбекистонда "Пахтакор"дан бошқа жамоада тўп тепишни истамаяпти.
Сўнгги маълумотларга кўра, футболчи Қатар клублари билан музокара ўтказмоқда. Воқеалар ривожини кузатишда давом этамиз", - дейилади каналдаги хабарда.
Comments