Ҳусниддин Алиқулов: "Янги мавсумда мухлисларимизга кўпроқ қувонч улашамиз деган умиддаман"

Ҳусниддин Алиқулов яқиндагина жароҳатдан қутулиб майдонга қайтди.

"Насаф" клуби матбуот хизмати Ҳусниддиннинг мавсумга тайёргарлик, мақсад ва режалари ҳақида фикрлари билан қизиқди:

“Жароҳатим яхшиланиб, майдонга қайтганимдан жуда хурсандман. Ҳозирда жамоа билан машғулотларни биргаликда олиб бориб, назорат учрашувларида ҳам майдонга тушмоқдаман. Мавсум стартигача ўз спорт формамни тиклашга ҳаракат қиламан.

Янги мавсумда ўтган йилгига қараганда янада яхшироқ ҳаракат қилиб, мухлисларимизга кўпроқ қувонч улашамиз деган умиддаман” — дейди Ҳусниддин Алиқулов.